Kitoblar

O'zbek tilining tarixiy grammatikasi

Ushbu darslik turkiy (o'zbek) tili yozma yodgorliklar tilining tahlili asosida yozildi. Ma'lumki, o'zbek tiliga oid yozma yodgorliklar lingvistik tomondan kam o'rganilgan, ularning ko'pchiligi bo'yicha ilmiy-tanqidiy matnlar yaratilmagan, ayrimlarining esa, hatto, ommaviy nashri ham yuzaga kelgan emas.

O'zbek tili praktikumi

O'zbek tili praktikumi o'quv qo'llanmasi o'zbek tili va adabiyoti yo'nalishi bo'yicha ta'lim olayotgan talabalarga mo'ljallangan. Qo'llanma "O'zbek tili praktikumi" kursining fonetika, leksilologiya, frazeologiya, morfemika, so'z yasalishi, morfologiya va sintaksis bo'limlarini o'z ichiga olgan bo'lib, shu yo'nalish dasturiga mos ravishda yozilgan.

O'zbek tili

Darslikda nazariy bilimlar bilan amaliy bilimlar uyg'unlikda olib borildi. Darslikda asosiy diqqat-e'tibor amaliyotga, so'zlashuv nutqiga, nutq o'stirish muammosiga qaratiladi. Darslikning asosiy qismini mashg'ulotlar, topshiriqlar, matnlar, tarjimalar va lug'atlar tashkil etiladi.

O'zbek tili me'yorlari (punktuatsiya)

Mazkur kitobda zamonaviy o'zbek punktuatsiyasi me'yorlari, tinish belgilarining qo'llanishi kabi turli masalalar haqida fikr yuritiladi.

O'zbek tili

Ushbu darslik o'zbek tilini intensiv ravishda sodda gap qurilmalaridan murakkab grammatik shakllargacha komplekis o'rgatish asosida yozma va og'zaki nutqni shakllantirishni ko'zda tutadi. Unda xorijiy tillarni o'qitish tajribalaridan ijodiy foydalanilgan hamda o'zbek tilini chet elliklarga o'qitishning noan'anaviy usullari qo'llanilgan. Undagi materiallar til bilish bo'yicha A2 darajasiga to'liq mos keladi.

O'zbek tilining shakllanish va rivojlanish tarixi

Ushbu monografiya birlamchi yozma manbalar asosida o'zbek tilining ko'p ming yillik tarixiy rivojlanishini yoritib beruvchi ilmiy asardir. Unda miloddan oldingi davrlarda hozirgi O'zbekiston hududida yashagan, o'zbeklarning ajdodlari hisoblangan turkiy xalq vakillarining eng qadimgi yozma manbalarda keltirilishi bayon etilgan, ularning boshqa tillariga ko'rsatgan ta'siri, ilmiy faktlar asosida o'zbek tilining tarixan shakllanish davrlari hamda rivojlanish bosqichlari tadqiq qilingan.

O'zbek tilining orfoepik lug'ati

Lug'at asosan maktab o'quvchilari va tilimizga qiziquvchilarga mo'ljallangan bo'lib, ularning so'zlarni to'g'ri yozish va to'g'ri talaffuz qilish me'yorlarini o'rgatishda muhim ahamiyatga ega.

Tilshunoslik nazariyasi

Mazkur darslik fanning zamonaviy yutuqlari, xorijiy manbalar asosida tayyorlangan bo'lib, undan tilning ijtimoiy, fiziologik, psixik tabiatini, tilshunoslikka doir masalalarni tadqiq qiluvchi izlanuvchilar, jumladan, magistrantlar, mustaqil tadqiqotchilar ham foydalanishlari mumkin.

Adabiyot tarixi va nazariyasi (1-qism)

Ushbu o'quv qo'llanmada "Adabiyot tarixi va nazariyasi" fanini o'rganish, badiiy asar mohiyatini chuqur anglash ko'nikmasini hosil qilish, mavjud matnlarni tahlil va tadqiq etish, teran ilmiy-nazariy xulosa va yechimlarga kelish masalalari yoritilgan.

O'zbek mifologiyasi

Hozirgi o'zbek adabiy tili 2-qism

O'quv qo'llanmada "Hozirgi o'zbek adabiy tili" fanining "Morfemika va so'z yasalishi", "Morfologiya", "Sinteksis" bo'limlari bo'yicha tashkil etiladigan amaliy mashg'ulotlarda bajariladigan topshiriqlar tizimi tavsiya etildi.

O'zbek tili

Darslikda talabalarning og'zaki va yozma nutqini rivojlantirish maqsadida rus tilida ham matnlar va topshiriqlar berilgan.

Hozirgi o'zbek tili (Morfologiya)

Mazkur o'quv qo'llanmada tilning morfologiya sathi birliklari - so'z turkumlari, grammatik shakllar va ularning uslubiy xususiyatlariga e'tibor qaratilgan hamda mavzularga mos holda ko'p topshiriqli mashqlar hamda nostandart test va keyslar berilgan.

Hozirgi o'zbek tili (grammatika)

Ushbu o'quv qo'llanma 5120100-Filologiya va tillarni o'qitish (o'zbek tili) ta'lim yo'nalishi bo'yicha o'quv rejasidagi "Hozirgi o'zbek tili" fanining "Morfologiya" va "Sintaksis" bo'limlari yuzasidan amaliy, seminar mashg'ulotlar, mustaqil ta'lim topshiriqlari, shuningdek, kurs ishlarini bajarishda yordam berish maqsadida tayyorlangan.

Aruz ilmi

Ushbu darslik aruz ilmining qonun-qoidalari, tarkibiy qismlari, aruz barlari va aruz doirlari hamda mavarounnahrlik olimlarning aruzga doir asarlari haqidagi ma'lumotlarni o'z ichida qamrab olgan. Mazkur darslik "Arab filologiyasi" va "Mumtoz filologiya" mutaxassisligi bo'yicha bakalavr ta'lim yo'nalishida tahsil olayotgan talabalarga mo'ljallangan.

Hozirgi o'zbek adabiy tili

Darslik o'zbek tilshunosligining jahon andozalariga mos yo'nalishi - substansial tilshunoslik yutuqlariga tayanib 5120100-Filologiya va tillarni o'qitish (o'zbek tili) bakalavriat yo'nalishi uchun mo'ljallangan "Hozirgi o'zbek adabiy tili" namunaviy o'quv dasturi asosida yaratilgan.

Novvoylik terminlari izohli lug'ati

Mazkur lug'at terminologiya masalalari bilan shug'ullanuvchilar hamda milliy taom tayyorlovchilar, jumladan, novvoylik bilan qiziquvchilarga mo'ljallab tuzilgan.

Bank-moliya terminlarining o'zbek tilidagi izohli lug'ati

Lug'at hozirgi o'zbek tilida keng iste'molda bo'lgan 800dan ortiq bank-moliya terminlari, tushuncha va iboralarining izohidan iborat.

Diplomatik terminlar izohli lug'ati

Ushbu lug'at kitobi hozirgi o'zbek tilining xalqaro munosabatlarga oid sohasi - siyosat va diplomatiyada qo'llanayotgan 400 ga yaqin termin, so'z birikmasi va nomlarni o'z ichiga olgan. Qo'llanma xalqaro munosabatlar hamda siyosatshunoslik fanlari o'qitiladigan universitetlar, institutlarning tadqiqotchi va talabalari, yosh diplomatlar, tarjimonlar, qolaversa, shu soha bilan qiziquvchan kitobxonlarga mo'ljallangan.

Xalqaro terminelementlarning izohli-illyustrativ lug'ati

Xalqaro terminelementlarni bir butun holda tasirlovchi bunday lug'at o'zbek leksikografiyasidagina emas, balki turkiy xalqlar lug'atchiligida dastlabki tajribadir. Lug'at turli fan sohalari mutaxassislariga, keng kitobxonlar ommasiga mo'ljallangan.