Ушбу ёрдамчи дидактик қўлланма олий ўқув юртлари магистратура таълим босқичидаги ўқув режасининг “Илмий фаолият” блокига тегишли бўлиб, “Илмий тадқиқот асослари” курсининг мақсад ва вазифалари асосида тайёрланган. Унда илмий тадқиқот асосларига тегишли атама ва терминлар ҳамда умумилмий тушунчалар бўйича қисқача маълумотлар савол - жавоб тизими асосида баён қилинади. Шунингдек, унда саволларга бериладиган жавоблар икки қисмдан иборат қилиб ифодаланган бўлиб, унинг биринчи қисмида бевосита атама ёки терминга оид саволга жавоб ва иккинчи қисмида қаралаётган атама ёки терминдан илмий тадқиқот ишида фойдаланишга услубий кўрсатмалар берилади. Мазкур ёрдамчи дидактик қўлланма олий ўқув юртлари магистрлари, докторантлари, мустақил тадқиқотчи - изланувчи, шунингдек, иқтидорли талабалар ва бошқа илмий тадқиқот ишлари билан шуғулланувчиларга мўлжалланиб тайёрланган.