Uoker o'z kitobida fin ta'lim tizimi qanday tashkil etilganligi, nima uchun o'quvchilar bilan ularning baholarini muhokama qilish kerakligi, bolalarga erkinlik berish va ular bilan birgalikda kunni rejalashtirish o'g'il -qizning mustaqil bo'lishiga qanday yordam berishi, devorlardagi ko'rgazmali materiallarning haddan ziyod ko'pligi o'zlashtirishning pasayishiga olib kelishi, nega tanaffuz payti o'qituvchi bolalar bilan o'ynashi muhimligi kabi masalalar haqida hikoya qiladi. Ushbu kitobda muallif o'zbek maktablarida ham qo'llash mumkin bo'lgan 33 ta strategiyani taklif etadi.